На 9.12.2009 се одржа „студентски“ протест против недобивањето датум за преговори со Европската Унија…
Од кај да почнам… Еве прво за улогата на студентите насекаде низ светот… Студентите насекаде низ светот се движечка прогресивна сила,фактор за притисок врз владите и погрешните политики на политичарите! Студентите насекаде низ светот го имаат бунтовното во себе,и на секаков начин,како млади идни интелектуалци се обидуваат да ја притиснат владата,опзицијата,политичарите,за да ја остварат својата визија за иднината на земјата,зошто нели тие би требало да гледаат понапред…
Но,како е кај нас…? Никако… Срамота е студенти,млади интелектуалци,луѓе кои би требало да ја гледаат иднината,и да имаат свој став за случувањата,да бидат манипулирани како мали деца со играчка!
За волја на вистината,на тој протест не ни имаше голем број на студенти,но исто толкава срамота за оваа држава е возрасни луѓе да се манипулираат за тесно партиски интереси! Луѓе како дојде до тука?! Па вака не било никогаш! Ова е катасрофално! Да се закануваат по работните места,по примањата,или по други поволности кои пред тоа им ги обезбедиле на своите членови…да ја довлечкаат целата јавна администрација на протест на тоа дождливо време…! Каква е оваа влада?! Како може да владее толкав страв! Половина од тие луѓе,ако не и сите,не сакаа да бидат тамо! Тоа е наредба! Закана! Добро луѓе,зар од стравот ке дозволиме ова едноумие да земе уште поголеми размери?!
Какви беа тие студентски избори?! На какви избори е избран господинот? Срамота…. Затоа кај нас никогаш нема да преовладуваат европски вредности! Не мора ни европски да се,секаде во светот е така,само кај нас студентите се марионета на власта,а не размислуваат со нивните глави! ЗОшто? За место во студентски? За дневница за протест? За кредит? Разочарувачки… Треба сите да сватат еднаш засекогаш,дека водењето држава не е некоја обична игра! Во оваа игра нема поправен! Фатиме ли сега погрешна насока,уште долго ке бараме клучка за да се префрлиме на спротивната лента! Некои погрешни политики во оваа земја кон некои прашања ни одзедоа деценија! Немаме уште една деценија за губење! Живееме еднаш!
Веке долго време во фокусот е проблемот со името,ирационален,наметнат…како и да е,наш проблем!
Проблем кој многу важни работи,одлучувачки за иднината на оваа наша земја ги става во мирување! Решение нема ни на повидок,7 декември е денес,исходот веројатно се знае,уште едно НЕ на развојот и подобрите перспективи на Македонија.
Зошто? Е тоа е веке друго прашање! Не би сакал,но веке морам и да верувам дека некој сака,и намерно ги кочи развојните процеси во оваа земја! Па со право ке прашам,дали „патриотите“ од ДПМНЕ се поголеми патриоти од мене и многу други кои мислат слично? Дали мислат дека јас или било кој друг би се откажал од својата припадност Македонец,од нешто свето?! НЕ! Ни мене не ми е по желба што се наметнал овој спор,но проблемите треба да се решаваат,а на нив треба да им се приоѓа реално! А реалноста е таа,името со географска одредница,и без било какви разговори за други прашања се добро решение! Не идеално,но добро! Впрочем ние и сега во ООН,во графите за јазик и државјанство сме заведени како БЈРМ! Ваков договор би и ги отворил перспективите на оваа земја…ова не е помалку патриотско размислување…напротив гледа подалеку од дневнополитичките и популистичките гледишта на оваа влада.
Но,да го оставиме името малку настрана… Дали оваа влада воопшто има план за нешто во државава?! Во државава никој повеке не говори за економија!(ако ја имаме) Состојбата е благо речено катастрофална на секој план! Државниот буџет е празен,пред секоја исплата на плати и пензии одново се задолжуваме по триесетина милиони,а со тоа си осигуруваме исто толку никаква иднина,како и сегашноста! Казни за полнење на буџетот фрштат на сите страни,1/3 од фирмите се блокираат,и се пишуваат казни од по 20.000 евра кои соборуваат секакви рекорди! А стопанството и без нив едвај се одржува во живот! Пари нема,но администрацијата се полни,нема ни столчиња колку вработени! Како сме тргнале Македонија ке стане една голема Холдинг компанија за вршење административни услуги! Но,кога на изглед се е така црно,се појави решението на сите проблеми…бања за пензионерите! Зошто на никој ова не му текнало порано ви се молам?! Нема потреба воопшто да се образложува колку е штетно 1,500 000 евра да се потрошат на нешто не толку неопходно,впрочем така сметаат и самите пензионери! Со толкава сума на пари ке се поправат руинираните училишта или болници! Веројатно на дедо ми не му е мило да оди на бања,додека јас,и другите колеги студенти вложуваме труд и напори да постигнеме нешто,да се образоваме,да си помогнеме нам и на нашата земја,но не можеме да си дозволиме лаптоп!
Примери има многу,да се пишува има многу…но ке завршам со прашање,дали е возможно луѓево да се слепи при очи? зар не гледаат каде оди Македонија? Ке се послужам со една изјава од Реган,„Владата не е решение на проблемот,Владата е проблемот!“
